يا كبدي الصبر الغنيمة..وأنـا اخيـش
اقـولـه لكـبـدي وكـبـدي معَـيّـه
لا هَب ذعذاع الهوا..طيـر يـا ريـش
طعنـة رفيـق الجنب..ماهيـب لـيّـه
يكبر مقامي فـي عيـون المداغيـش
ويطيـح فـي عيـن الـردي والبنيَـه
والزمزيّـه مـا تقهـوى المشاويـش
يقطعـك يــا رزقٍ ورى الزمزمـيّـه
ببيتٍ لأابى محسن بن فطيس كنه ايش!!
كـنّـه ترفـاعـي ولــي مقـدريـه
بيـت لعـودٍ مـا اتعبتـه المطاريـش
لـو إنهـا بيـن الحـفَـر والحـويّـه
عودٍ على ربعه صدى صوته شويـش
وعلـى قبيلـة ( يـام ) عنـده حميّـه
ليتك يا أبى محسن على الواقع تعيـش
وتشوف صُنـع أهـل العقـول الرديّـه
لـو إنهـا بالطيش..يمدينـي أطيـش
لكـن حـيّ وشيمـة الـنـاس حـيّـه
وانـا حفيـد الطيـب وام العكاريـش
مـا هيـب ولــدَة لاش ولا صلبـيـه
أردهـا بوجهـي؟؟ ولا اردهـا بأيـش
يـكـرم نباي..وتـكـرم الجـابـريـه
وأنا بني عمي اهـل الهـوش وتهيـش
وخوالـي أهــل الوقـفـة الأولـيـه
ما هـم ببيّـزٍ فـي يديـن الدراويـش
وقصيرهـم مـا هـو يعـرف الأذيّـه
وأصواتنا يا اهل القلـوب المعاطيـش
تعـرف بـدون أسمـاء والنـار حيّـه
ماهوب من كثر الحكـي والأشاويـش
مـن كـثـرة الترحـيـب والقابلـيـه
ودام الجمل عقب السنيـن المرابيـش
يبْـرك لهـا ويحـنّ مـثـل المطـيّـه
تكفـون خلوهـا يـا ركابـة الجيـش
تـرى المعقـب شيـخ وأنـا سمـيّـه
ورى الحكومة ما ندور ( بخاشيـش )
ارزاقـنـا بكفـوفـنـا الصيـرمـيّـه
على الملوك نزووم ونـزووم ونعيـش
تسمعـوا يـا اهـل العقـول الـرديّـه
الخميس فبراير 28, 2008 12:51 pm
